Nesta webquest sobre Xosé María Alvarez Blázquez, o homenaxeado este ano no Día das Letras Galegas, poderedes aprender moitas cousas sobre este autor. Aquí tamén podedes ver a presentación dun poema "O Arco da Vella", pertencente ao seu libro "Roseira do teu Mencer" que lle escribiu á súa filla "Colorín", unha nena enfermiza a quen lle asustaban as cousas grandes. Pero como fai o seu pai, todos podemos enfrontarnos co poder das palabras e os versos a todo aquilo que nos asusta, mesmo aos fenómenos da natureza.
INTRODUCIÓN SOBRE XOSÉ MARÍA ÁLVAREZ BLÁZQUEZ
A Real Academia Galega (RAG) acordou onte dedicar o 'Día das Letras Galegas' do vindeiro ano 2008 ao escritor Xosé María Álvarez Blázquez, nado en 1915 en Tui (Pontevedra) e falecido en Vigo en 1985.
A súa primeira novela "En el pueblo hai caras nuevas" (1945) foi finalista do Premio Nadal. Os seus poemarios máis destacados inclúen os títulos "Poemas de ti e de min" (1949),Roseira do teu mencer" (1950),"Romance do pescador peleriño" (1954) e "Cancioneiro de Monfero" (s. XIII) (1953), que o autor presentou como textos medievais auténticos.
