1- Taldeka jarriko zarete. Bost talde osatuko dituzue gelakide guztien artean (talde bakoitzari kontinente batek dagokio).

2- Talde bakoitzak kontinente bat aukeratuko du. Kontinente banaketan arazorik baldin badago zozketa egingo da.

-Kontinente horri buruzko informazioa bilatuko du talde bakoitzak (kokapena, klima, kultura, etab.). Horretarako bide ezberdinak erabiliko dira: interneta, liburuak, aldizkariak, bidaia gidak, etab.

-Informazioaz gain argazkiak ere bilatu beharko ditugu. Argazkiak topatzeko bide bera erabiliko dugu. Oraingoan zure bidaiaren bateko argazkiak ere balioko du, betiere kontinente horretakoa bada.

3- Informazioa bilatzen ari garen neurrian, mural bat osatuko dugu gela osoaren artean. Munduko mapa marraztuko dugu, talde bakoitzak bere kontinentea marraztuaz.

4-Bildutako informazio eta argazkiak bertan txertatuko ditugu, muralari kolorea eta bizitasuna emanaz.

5-Guk landu dugun kontinentearen inguruan ikasi duguna gainerako gelakideei azalduko diegu. Horrela laster izango dugu besteen lanaren berri.